Yangiliklar
“Rzeczpospolita” gazetasi: O‘zbekiston tobora Markaziy Osiyo va uning yaqin atrofi iqtisodiy manzarasini shakllantiruvchi davlat rolini o‘ynashga intilmoqda.
Polshaning nufuzli "Rzeczpospolita" gazetasida chop etilgan.maqola“Termiz shahridagi erkin savdo zonasi, O‘zbekiston – Polsha kompaniyalari uchun Afg‘onistonga oyna” rukni ostida O‘zbekistonning mintaqaviy iqtisodiy integratsiyani rivojlantirish, Markaziy va Janubiy Osiyo o‘rtasida yangi savdo-logistika yo‘nalishlarini shakllantirishdagi roli ortib borayotganiga bag‘ishlangan, deb xabar beradi “Dunyo” axborot agentligi muxbiri.
Nashrning qayd etishicha, O‘zbekiston nafaqat Yevropa yo‘nalishidagi iqtisodiy ishtirokini izchil kengaytirib bormoqda, balki mintaqadagi qo‘shni davlatlar bilan ham hamkorlikni faol rivojlantirmoqda. Termiz shahrida O‘zbekiston-Afg‘oniston chegarasida tashkil etilgan “Ayritom” erkin savdo zonasiga alohida e’tibor qaratilmoqda.
Nashrning qayd etishicha, ushbu loyiha Afg‘oniston bilan savdo-iqtisodiy aloqalarni rivojlantirish uchun muhim platformaga aylanib, ayni paytda Markaziy va Janubiy Osiyoni bog‘lovchi yangi transport yo‘laklarini shakllantirishga xizmat qilmoqda. Nafaqat Afg‘oniston, balki Pokiston ishbilarmon doiralarining ham tashabbusga qiziqishi ortib borayotgani, Termizni mintaqaviy ahamiyatga molik istiqbolli logistika markazi sifatida ko‘rayotgani ta’kidlandi.
Polsha nashri ham loyihaning xalqaro e`tirofiga e`tibor qaratadi. Xususan, 2025-yilda Airitom erkin zonasi fDi Intelligence tahliliy birligi tomonidan tayyorlangan “Yilning global erkin zonalari” reytingining “Yulduzlar ko‘tarilishi” toifasiga dunyodagi eng istiqbolli maxsus iqtisodiy zonalar qatoriga kiritildi.
Maqolada to‘qimachilik, tikuvchilik va charm sanoati sohasida O‘zbekiston-Afg‘oniston qo‘shma loyihalarini amalga oshirish istiqbollariga alohida e’tibor qaratilgan. Muallifning fikricha, paxta, charm va kaşmirni qayta ishlashni rivojlantirish yangi ish o‘rinlarini yaratadi va Afg‘onistonning mintaqaviy ishlab chiqarish zanjirlariga qo‘shilishiga xizmat qiladi.
Polsha nashrining yozishicha, Airitom erkin zonasi nafaqat mintaqa davlatlari, balki Yevropa biznesi uchun ham muhim. Bu Afg`oniston, Pokiston va boshqa Janubiy Osiyo mamlakatlari bozorlariga istiqbolli kirish nuqtasi sifatida qaraladi va barqaror va prognoz qilinadigan biznes muhitini taklif qiladi.
Loyiha logistika, qurilish, sanoat ishlab chiqarishi, mashinasozlik, asbob-uskunalar yetkazib berish, qishloq-oziq-ovqat sektori va xalqaro savdoni qo‘llab-quvvatlash xizmatlari kabi sohalarda faoliyat yurituvchi Polsha kompaniyalari uchun alohida qiziqish uyg‘otishi mumkin.
Xulosa qilib aytganda, nashr Termizni Markaziy va Janubiy Osiyo o‘rtasidagi asosiy iqtisodiy va logistika markazlaridan biriga aylantirish strategiyasini amalga oshirish xalqaro biznes uchun yangi imkoniyatlar ochishi va O‘zbekistonning mintaqaviy integratsiya jarayonlarining muhim ishtirokchisi sifatidagi mavqeini mustahkamlashi mumkinligini ta’kidlaydi.
Manba
