Yangiliklar
Xorijiy banklar bilan ikki tomonlama hamkorlikni kengaytirish masalalari muhokama qilindi
Muzokaralar chog‘ida kompaniyaning so‘nggi korporativ yutuqlari va ishlab chiqarish natijalari, neft va gaz sanoatidagi tendentsiyalar, shuningdek, istiqboldagi ustuvor vazifalar va moliyalashtirishga bo‘lgan ehtiyojlar muhokama qilindi.
Banklar 2024-2025-yillarda “O‘zbekneftgaz” AJ faoliyatini moliyalashtirishda ishtirok etishga katta qiziqish bildirdi.
Sindikatlashtirilgan kreditni tashkil etish, qo'shimcha yevroobligatsiyalar chiqarish va xedjlash strategiyalari kabi turli moliyaviy vositalar taklif qilingan. Eksport-kredit agentligi (EKA) yoki ko‘p tomonlama investitsiyalarni kafolatlash agentligi (MIGA) asosidagi muqobil moliyalashtirish manbalari ham muhokama qilindi.
Neft-gaz sanoatining o‘ziga xos xususiyatlarini hamda ekologik, ijtimoiy va boshqaruv (ESG) maqsadlarini amalga oshirishni hisobga olgan holda chiqindilarni kamaytirish bo‘yicha loyihalarga alohida e’tibor qaratildi.
